Бахрайн орноор 2

Бахрайнд яагаад ирсэн бэ?
Араб хөгжим, хэл, хувцас, шашин, хоол, цаг агаар, хүмүүс, амьдралын хэв маяг, тэдний эрхэмлэдэг зүйлс, итгэл үнэмшил надад их сонин, өвөрмөц санагддаг. Би Араб гэхээр шейх, алт, үнэтэй машин, гивлүүр зэргээс гадна террорист, харгис шашин, эмэгтэйчүүдийг чулуугаар шидэж алдаг, жоохон охидуудтай гэрлэдэг, дайн зэрэг бодлууд холилдон орж ирдэг байлаа.
Зурагтаар л харж байсан болхоор очиж үзэх хүсэл их төрж тэгээд л ирсэн минь энэ.
Аялах тусам бид бүгд хүмүүс, сайхан сэтгэл байхад ямар ч орны хүн байсан ойлголцож, нөхөрлөж болмоор, бид хичнээн адилхан гэхдээ бас ямар өвөрмөц юм бэ гэж бодож байлаа.
Эндэхийн хүмүүс нь цус холилдсон нь их харагдаж байна, харахаар европ, зүүн ази, баруун ази нь ялгагдахгүй хүмүүс зөндөө байна. Энэтхэг, филиппин, тайланд хүмүүс их байна.
Хоолны хувьд араб талх буюу хобусс дотор ороосон янз бүрийн махан шанзтай хоолнууд иддэг юм байна.
Муслим шашинтай орон дотроо хамгийн ардчилалтай оронд тооцогдох боловч миний санасан хэмжээнд эмэгтэйчүүдийн эрх тийм чөлөөтэй байдаггүй бололтой. Нүүр биеэ бүрэн битүүлсэн эмэгтэйчүүд хааяа л үзэгдэх нь Саудын Арабыг бодвол бас боломжийн ч юм шиг, гэхдээ эмэгтэйчүүд нь юу хийдэг вэ гэсэн чинь дэлгүүр л их хэсдэг гэнэ ээ, ямар нэгэн арга хэмжээ зохиох, оролцох, спорт хийх зэрэг нь бас л ховор бололтой. Гэхдээ миний болон надаас доош үеийн охидууд нь үнэхээр идэвхитэй нь надад их тааладсан, тэд илүү эрх чөлөөтэй, нийгмийн идэвхитэй байгаа нь сайхан санагдаж байлаа.

Бахрайн орноор 1

Арабын буланд Саудын арабтай гүүрээр хил залгаа орших Ойрхи дорнодын энэ улсад нэг сарын хугацаагаар байрлах завшаан тохиолдсон юм. Тэгээд энэ орны тухай өөрийнхөө хэмжээнд мэдээлэл хүргэе гэж шийдлээ.

Хаант засаглалтай Бахрайны Вант улс нь 1 сая 3 мянган хүн амтай ба бараг тал хувь нь гадны хүмүүс байдаг юм байна. Энгийн Бахрайн гэр бүл гэрийн үйлчлэгчтэй байдаг ба гадаадуудын ихэнхийг филиппин, малайз, энэтхэг хүмүүс эзэлдэг ба европ, америкийн экспатууд бас ихтэй юм байна.

Өвөлдөө 20-24 градус зундаа 50 градус хүртэл хүрдэг гэнэ. Хүн ам цөөтэй, газрын тос ихтэй болхоор хүн бүр машинтай, нэг машинд нэг л эзэн байдаг. Ихэнхи хүмүүс үнэтэй тансаг машин унадаг. Энд бензин хямдхан, машин нь татвар төлдөггүй, ихэнхи зогсоолууд нь үнэгүй ер нь л машинд ээлтэй орон юм. 

Хүмүүс нь өөртөө итгэлтэй, дээгүүр харцтай, ганган гялтгар байдын байна. Ихэнхи араб залуучууд сахал нүд хөмсөг сайтай, ялангуяа үндэсний хувцасаа өмсөхөөр жинхэнэ hot харагддын байна. Даан ч зургыг нь ойроос авч болохгүй юм даа, ямар музейн үзмэр байгаа биш. 

Монголыг бодвол юмнууд нь их үнэтэй, дэлгүүрт нь дандаа импортын бараа байна, чанартай үнэтэй л юм зардын байна, манай Good Price-рхуу юмуудаа. 

за унтлаа, маргааш үргэлжлүүлэе.

Нэгдүгээр хичээл

Өчигдөрөөс эхлэн нүүр будалтын мэргэжлийн ангид суралцаж эхэллээ. Сурсанаа мартахгүйн тулд тухай бүрт нь тэмдэглэл хөтлөөд явья гэж бодлоо.
Нүүрээ цэвэрлээд будаг түрхэхийн өмнө тос, чийгшүүлэгч түрхэж болохгүй. Тостой хамт нүүрний будаг арьсны гүн рүү нэвтэрдэг болхоор агуулагдаж байгаа химийн хортой бодисууд арьсны гүнд орно гэсэн үг.
1. Өглөө босоод нүүрээ цэвэрлээд prime юмуу base түрхэнэ.
Prime нь тослог, нүхжилттэй, овон товонтой арьсанд илүү сайн, нүхийг бөглөж арьсыг жигд болгодог гэсэн үг. Base нь хуурай, энгийн арьсанд илүү тохиромжтой, хэт хуурай арьстай хүнд mist дээрээс нь цацаж өгнө.
2. Foundation- сонгохдоо хүний цээжний өнгөтэй адилханыг сонгоно. Мөн сэвхтэй, нөсөөтэй хүмүүсээс толбоо бүр далдалж будуулах уу, бага зэрэг далдалах уу гэдгийг нь асууна. Багсаар түрхэж өгвөл илүү сайн жигд тардаг, порлоноор дараа нь foundation-аа жигдэлнэ.
3. Гэрэл, сүүдэр- Миний хувьд энэ дээр илүү анхаарах хэрэгтэй,

Чихний дээд талаас хамарны угалз хүртэл, духнаас үс дагуу, хамарны хоёр налуу талаар, чихний доод талаас эрүүний угалз хүртэл дээд зураастай параллел хэлбэртэй сүүрийг тавина. 

Өндөрлөг хэсэг болох дэх, хамарны дээд хэсэг, уруулны дээд хэсэг, эрүүнд гэрэл тавина.

Нүдний голоос доош, хамарны угалзны дээд хэсгээс хажуу тийш огтлолцсон цэг дээр хацар өнгөлөгч тавьж өгнө.

Гэрэл сүүдэр 3 янз байна.??????

Шингэн, хуурай

Мэргэжлийн make up-д бүгдийг нь хэрэглэх нь зүйтэй. Эхлээд шингэн сүүдрээ хэрэглэнэ, сайтар blend хийнэ.

4. Үүний дараа хуурай нунтаг пудр түрхэнэ. 30, 50,70 номерийн пудр. 30 нь дэндүү цагаан, 50 нь цайвар шаргал, 70 нь дэндүү бор байна. Тухайн хүний арьсанд тааруулан хольж хэрэглэнэ. Цайвар арьстай хүнд бол 50 дангаараа тохирно. 

Том ийм багсаар товших маягаар багаар түрхэн тарааж өгнө. Гялалзуулагчаа түрхэнэ. Нүүрний өндөрлөг хэсгээр, зөөлөн түрхэнэ. 

5. Нүд- дор хаяж 3 өөр өнгийн будаг хольж будна. Арьсны өнгөтэй, бараан өнгийн, цагаан цайвар өнгийн. 

Заза нүд энэ тэрийг бичих гэхээр тайлбарлах үг орж ирэхгүй юм. Тогтоосон болхоор практик сайн хийгээд явбал илүү суух байх.

Worth of double-checking

Ажилд ороод их зүйлийг л сурч байна даа. Ажлын байрны стресс, ажлын эргэлзээг харгалзахгүйгээр энэ ажлыг хийснээр би юу олж мэдэв гэдгийг бага багаар бичихээр шийдлээ. Дараа нь илүү хянамгай, ухаалаг байхын төлөө.
1. Заавал давхар шалга
Гээд бодсон чинь арван жилд шалгалт өгч байсан санаанд орчлоо, цаг илүү гарвал хариултаа давхар шалгаж байгаарай гэхэд манай ангийн нэг банди "яршиг аа, шалгахаар алдаа гарч ирээд байдаг юм" гэж билээ. Уг нь алдаа гарч ирж байгаа бол тэрийгээ засаад арай сайн оноо авахаа бодно биз дээ. Манайхны бас нэгэн хэнэггүй зан л даа. За яахав болно л биз, ингээд яваад болоод байдаг юм гэсэн байрнаас хандвал амжилт бас л танд хэнэггүй загнах байх шүү. Би өөрөө бас хэнэггүй зантай, тийм болохоор өөрийнхөө энэ занг засах гэж хичээж л байгаа.
Албан бичиг явуулахдаа, хүнд амлалт өгөхдөө, харилцагчид мэдээлэл өгөхдөө, ер нь өөрөөс чинь гарч байгаа үгс бүхэнд чи хариуцлага хүлээх учраас эхлээд заавал мэдээлэл бүрийг давхар шалгаж, үнэн бодитой эсэхийг тодруулаарай.
Нэг жишээ хэлэе, би саяхан нэгэн захиалгыг харилцагчдаа маргааш бүрэн гарна гэж ам гарсан билээ. Учир нь энэхүү бүтээгдэхүүнийг хариуцдаг нярав нь надад тэгж хэлсэн байлаа. Гэтэл зарим нэг бүтээгдэхүүн дутуу байгаагаас гадна, маргааш биш нөгөөдөрт багтан гарна гэдэг нь ч эргэлзээтэй болоод явчихлаа. Ийм тохиолдолд би хэнэггүй зан гаргаж, давхар шалгаагүйгээс харилцагчид буруу мэдээлэл хүргүүлсэн ба энэ нь манай компанийн үнэлэмжийг бага багаар бууруулах шалтгааны нэг болж байгаа юм.

Хуурай шампунь гэж сонсож байсан уу?

Хөөрхөн охидууддаа энэ өдрийн мэндийг хүргэе

Үсээ өдөр болгон угаасан ч амархан тослогтоод байна уу? Тэгээд ажил,сургуультай завгүй байхад өдөр болгон усанд орно гэдэг бас л ядаргаатай асуудал. Хэн нэгэн ухаантан нь бидний энэ зовлонг аль дээр мэдээд хуурай шампунь гэдгийг гаргачихаж ээ. Та бүхэн маань ч гэсэн өмнө нь сонсож байсан байх. Нэт ухсаны эцэст дараах мэдээллийг оллоо.

За тэгвэл энэ чигтэйхэн эд чинь ямар ид шидтэй юмбдээ? Хамтдаа харцгаая л даа.

Энэ бүтээгдэхүүнийг үснийхээ гялалзсан шинэлэг байдлыг уртасгахын тулд л хэрэглэхээс биш жирийн шампунь хэрэглэхээ болиод зөвхөн хуурайг нь хэрэглэ гэж гаргаагүй гэнэ шүү. Хэрвээ та өдөр болгон үсээ угаадаг бол 2 дахь өдөр нь хуурай шампунаа хэрэглээд дараагийн өдөр нь угаанаа л гэсэн санаа байх нь. 

Хуурай шампунь бол бэлдмэл. Гурван төрлийн хэлбэртэй байдаг. Нунтаг, шингэн, цацдаг.

Бэлдмэлээ хуйхандаа түрхээд массаж хийх замаар хэдхэн минутын дараа таны үс угаасан юм шиг гялалзаж, өнгөлөг болно гэсэн үг.

Үнийн тухайд гэх юм бол брендээсээ шалтгаалаад 3-75 долларын үнэтэй байдаг.

Ажиллах механизм нь гэвэл хуйхны тосыг шингээнэ, үсийг тань гоё үнэртэй болгоно гэхдээ мэдээж бохирдлыг тэр чигээр нь цэвэрлэхгүй.

Үнэхээр нүдээ олсон сайн бүтээгдэхүүн байгаа биз? Бид ямар тохиолдолд хэрэглэж болох вэ? бодоод үзье л дээ, 

- Яарч байгаа үедээ ( Өглөө оройтож босоод усанд орж амжихгүй үедээ)

-Гам барьж байхдаа (Биендээ ус хүргээгүй байж чиний үс яаж ингэж гоё харагддаг байна аа)

-Хөлөрсөн үедээ (Цүнхэндээ байнга авч явж байхыг зөвлөж байна, сайхан шоудаад бүжиглэсний дараа толинд харахад үс маань ямар болсон байдаг билээ? хэхэ, үс тослогтох одоо асуудал биш болсоон)

- Зугаалганд явахдаа(заавал авч явахыг бүр шаардаж байна :p)

- Gym-ний дараа шууд болзоонд явах гэж байна уу? асуудалгүй, чи үргэлж хөөрхөнөөрөө

За одоо манай монголд эдгээр зарагддагийг мэдэхгүй юм. Ямар ч л байсан хамгийн сайн гэж дүгнэгдсэн хуурай шампунуудыг танилцуулья

Klorane - үнэлгээ 8.5

Хэрэглэж үзсэн хүмүүс нь ийм сэтгэгдэл үлдээжээ " түрхэсний дараа үсийг хүндрүүлж, нунтаг цацсан хиймэл үс шиг тийм аймаар болгохгүй, зөөлөн, хөнгөн болгодог, мөн гоё зөөлөн үнэртэй. Тослогыг ор мөргүй алга болгодог." гэсэн байна 

Dove- үнэлгээ 8.2

Dove-г хэрэглэгчдийн дүгнэлтийг уншихад "үсний тослогыг алга болгодог, хүнд болгодоггүй, хатууруулдаггүй, угаахад амархан арилдаг, үсээ самнахад ямар нэгэн зүйл тээглэхгүй" гэсэн байна

Batiste

Миний хувьд дээрх хоёрыг нь хэрэглэж үзээгүй, харин Batiste-г судалж байгаад хамгийн гайгүй нь гэж сонсоод авсан. Тослогтсон үсийг маань шинэхэн угаагаад сэнсдсэн юм шиг болгосон хэхэ. Бас бага зэрэг хөвсийлгөсөн. анх удаа хэрэглэсэн сэтгэгдэл бол ийм л байна. Ямар ч байсан миний дуртай бүтээгдэхүүний нэгт багтаж байгаа.

Lush- No drought  үнэлгээ- 9.3

Энэ хамгийн сайн үнэлгээ авсан шампунь. Яагаад вэ гэхээр бусад хуурай шампунууд тослогыг алга болгодог хэрнээ үсийг зууралдсан болгоод хаячихдаг, харин Lush-No drought бол ямар ч байсан миний хэрэглэж байсан шампунуудаас хамгийн сайн нь гэж хэрэглэгчид нь дүгнэж байна.

Та нарын хэрэглэж үзэж байсан шампунь ямар байсан бэ? Эсвэл хараахан авч амжаагүй байна уу? Тэгвэл надад нэг сайхан санаа байна аа, чамд Batiste, Lush-No drought хоёр шампуныг олж өгье, би нэг жижигхэн дэлгүүр шинээр нээсэн юм. 

 ЭНЭ дээр дараад ороод сонирхоод үзээрэй, Мөн энэ нийтлэлийн талаар сэтгэгдэлээ үлдээгээрэй, чамд туслахад ямагт бэлэн шүү.

Одко

Үсээ хэрхэн янзлах вэ? Сүлжих

Хамгийн эхний бичлэгээрээ уулзаж байгаадаа баяртай байна, охидуудаа :)
Энэ блог охид, бүсгүйчүүдийн гоо сайхан руу хандсан байх болно. Би мэргэжлийн гоо сайханч эсвэл үсчин, нүүр будагч биш. Гэхдээ эмэгтэй хүн болсон л хойно муухай харагдахгүйг хичээдэг билээ. Би нэгэн хэвийн байдалд дургүй, бага зэрэг ч гэсэн сэтгээд өдөр бүр өөрийгөө өөрөөр мэдрэхийг хичээдэг. Хөөрхөн охидуудтайгаа сайн найзууд болно гэдэгтээ итгэлтэй байна. Ингээд өөрийн таалагдсан, бас туршиж үзсэн хэд хэдэн үс сүлжих аргуудыг толилуулая